هه‌واڵی كوژرانی خه‌لیفه‌كه‌ی داعش له ئه‌نجامی بۆردوومانكردنی ناحیه‌ی ئامرلی له‌لایه‌ن فڕۆكه ئه‌مریكییه‌كانه‌وه، بڵاوده‌بێته‌وه.
دوای ئه‌وه‌ی هێزه‌كانی ئه‌مریكا له ڕێكه‌وتی دوی ئه‌یلولدا چه‌ند هێرشێكی ئاسمانییان بۆ سه‌ر ئامرلی ئه‌نجامدا و به‌سه‌ختی ناوچه‌كه‌یان بۆردومانكرد، ده‌نگۆی كوژرانی ئه‌بوبه‌كر به‌غدادی بڵاو ده‌بێته‌وه.
ئه‌ندامێكی داعش كه له‌لایه‌ن هێزه‌ئه‌منییه‌كانی عیراقه‌وه ده‌ست به‌سه‌ر كراوه، هه‌واڵی كوژرانی ئه‌بوبه‌كر به‌غدادی به هێزه‌ئه‌منییه‌كانی عیراق راگه‌یاندووه.
ئه‌و ئه‌ندامه‌ی داعش باسی له‌وه كرده‌وه كه "له دوای بوَردومانكردنی ئامرلی له ڕێكه‌وتی -دووی ئه‌یلول- له‌لایه‌ن هێزه‌ئاسمانییه‌كانی ئه‌مریكاوه، ئه‌بوبه‌كر به‌غدادی سه‌رۆكی رێكخراوی ده‌وڵه‌تی ئیسلامی ناسراو به داعش به سه‌ختی بریندار بووه و به‌مه‌به‌ستی چاره‌سه‌ركردن ڕه‌وانه‌ی سوریا كراوه، به‌ڵام به‌هۆی سه‌ختی برینه‌كه‌یه‌وه گیانی له‌ده‌ست داوه".
ئه‌ندامه ده‌ستبه‌سه‌ركراوه‌كه‌ی داعش وتووشیه‌تی: "بوَئه‌وه‌ی كوژرانی به‌غدادی كاریگه‌ری نه‌رێنی له‌سه‌ر چه‌كدارانی داعش نه‌بێت، هه‌ر زوو ئه‌بوو موسلیم توركمانی له جێگه‌ی دانراوه".
بۆئه‌وه‌ی چه‌كدارانی داعش له سوریا و عیراق به بێ سه‌روَك نه‌مێننه‌وه، به شێوه‌یه‌كی كاتی ئه‌بو موسلیم توركمانیان له جێگای داناوه تا ئه‌وكاته‌ی سه‌ركرده‌یه‌كی تر بۆخوَیان داده‌نێن.
تائێستاش ئه‌م هه‌واڵه له‌لایه‌ن لایه‌نه ره‌سمییه‌كان و خودی ئه‌و رێكخراوه توندڕه‌وه‌وه، پشتڕاست نه‌كراوه‌ته‌وه.
سه‌رچاوه: Milliyet
هیچ نظری موجود نیست:
ارسال یک نظر