سه‌رچاوه‌یه‌ك له‌ناو شه‌ڕڤانانی یه‌په‌گه‌وه له كوبانێ به خه‌ندانی راگه‌یاند: چه‌كدارانی داعش له ته‌واوی ناوشارسی كوبانێ كراونه‌ته ده‌ره‌وه‌و ته‌نها به‌رزاییه‌كانی مشته‌نووری به ده‌ست چه‌كدارانی داعشه‌وه ماوه، له ئێستاشدا فڕۆكه جه‌نگیه‌كانی ئه‌مریكا بۆردومانی ده‌كه‌ن.
سه‌رچاوه‌كه رایگه‌یاند: ئه‌مڕۆ شه‌ڕڤانانی یه‌په‌گه‌و یه‌په‌ژه له پێشڕه‌ویدابوون داعشیان له ته‌واوی كۆبانی ده‌ركردوه‌و ته‌نها له به‌رزاییه‌كانی مشته‌نوور ماون.
وتیشی: "له پشتی مشته‌نووریشه‌وه پێنج گوندی دیكه ئازاد كران، كه پێشتریش سیانیان به‌ده‌ست یه‌په‌گه‌وه نه‌بووه".
روونیكرده‌وه: داعش له هه‌ڵهاتندان و یه‌په‌گه‌و یه‌په‌ژه له پێشڕه‌ویدان بۆ گرتنه‌وه‌ی ته‌واوی ئه‌و ناوچانه‌ی له ده‌ستیداون.
هیچ نظری موجود نیست:
ارسال یک نظر