هەواڵگریی سەربازی عێراق رایگەیاند فڕۆكە جەنگییەكانی عێراق ئەمڕۆ لە بۆردوومانێكدا بۆ سەر چەكدارانی گروپی داعش لە شارەدێی گوێر لە ناوچەی مەخمو‌ور لە پارێزگای هەولێر 10 چەكداری گروپی داعشیان كوشت.
بەڕێوەبەرایەتی هەواڵگری سەربازی عێراق لە بەیاننامەیەكدا رایگەیاند:"فڕۆكە جەنگییەكانی عێراق ئەمڕۆ لە بۆردوومانێكدا بۆ سەر چەكدارانی گرو‌وپی داعش لە شارەدێی گوێر لە ناوچەی مەخمو‌ور لە پارێزگای هەولێر 10 چەكداری گروپی
داعشیان كوشت".
هەواڵگری سەربازی عێراق گوتیشی "دوو سەركردەی باڵای داعش بەناوی عەقیل سەیفەدین و عومەر عەبدولباست لە نێو كوژراوەكانی گروپەكەن لە ناوچەی گوێر".
هێزەكانی پێشمەرگەی كوردستان تا ئێستا لە قۆڵی مەخمو‌ورەوە لەگەڵ چەكدارانی داعش لە جەنگدان و ئۆپەراسیۆنەكانی پێشمەرگەش لە دژی داعش لە هەموو قۆڵەكانەوە بەردەوامە.
هیچ نظری موجود نیست:
ارسال یک نظر