راگه‌یاندنی ئه‌و ئاماره له‌كۆنگره‌یه‌كی رۆژنامه‌وانیدا هات كه ئه‌مڕۆ یه‌كشه‌ممه ئه‌نجامدرا له‌لایه‌ن سه‌عد معن، وته‌بێژ به‌ناوی وه‌زاره‌تی ناوخۆی عێراقه‌وه كه هاوكات وته‌بێژی فه‌رمانده‌یی ئۆپه‌راسیۆنه‌كانی به‌غدایه. به‌پێی سایتی سومه‌ریه‌نیوز.
وته‌بێژه‌كه‌ی وه‌زاره‌تی ناوخۆ رونیكردووه‌ته‌وه، له‌سه‌ره‌تای 2015وه تاوه‌كو 14ی (ئایار/5)ی ئه‌مساڵ، سێ هه‌زار‌و 452 تیرۆریست كوژراون، هه‌روه‌ها 318 گوند‌و شار‌و قه‌زا‌و ناحیه ئازادكراون.
ئه‌وه‌شی خستووه‌ته‌ڕو كه پۆلیسی فیدراڵی له‌و ماوه‌یه‌دا 365 ئۆتۆمبێلی هه‌ڵگری چه‌كی جۆراوجۆری تێكشكاندووه، 283 باڵه‌خانه‌‌و خانووی بۆمبڕێژكراویشی پوچه‌ڵ كردووه‌ته‌وه.
هه‌ر به‌پێی ئه‌و ئاماره، 181 مۆڵگه‌‌و حه‌شارگه‌ی داعش روخێنراون‌و سوتێنراون، له‌گه‌ڵ ده‌ستبه‌سه‌رداگرتنی 201 حه‌شارگه‌ی بۆمبی چێنراو‌و كه‌ره‌سته‌ی ته‌قینه‌وه.
هیچ نظری موجود نیست:
ارسال یک نظر